6 РӮЗ 6 ҲОДИСАИ РОҲ

                  Душанбе, 7 январ. (АМИТ «Ховар», Жасмин Назарова). – Аз 1 то 6 январи соли ҷорӣ дар ҳудуди шаҳри Душанбе 6 ҳодисаи роҳу нақлиёт ба қайд гирифта шуд. Бар асари он 1 нафар ба ҳалокат расида, 6 нафар ҷароҳати ҷисмонӣ гирифтанд.                      Тибқи иттилои сардори маркази матбуоти БДА подполковник Шерафган Латифов, 6 январ ронандаи автомашинаи «Чанху» Диловар Комилови 21 сола, сокини шаҳри Душанбе ҳангоми ҳаракат бо кӯчаи Ғафуров пиёдагард Исроил Холматови 42 соларо зада аз пой меафтонад. Дар натиҷа бо гирифтани зарари вазнини ҷисмонӣ дар беморхона ба ҳалокат мерасад.