АЗ МАНСАБИ ДАВЛАТӢ ОЗОД КАРДА ШУДАНД

          Душанбе, 30 январ. (АМИТ «Ховар», Акрам Ҳаитов) — Шермуҳаммади Шоҳиён аз вазифаи Раиси Шӯрои адлияи Ҷумҳурии Тоҷикистон бинобар сабаби пешниҳод шуданаш ба номзадии вакилии Маҷлиси намояндагони Маҷлиси Олии Ҷумҳурии Тоҷикистон озод карда шуд. Бо Фармони Президенти мамлакат Эмомалӣ Раҳмон ба ин вазифа  Азизов Зафар Нусратович — собиқ муовини Раиси Суди Олии мамлакат таъин гардид.           Ҳамчунин муовини аввали вазири адлияи Ҷумҳурии Тоҷикистон  Имомов Азизмад, муовини Раиси Суди Олии Ҷумҳурии Тоҷикистон Гиёев Сайфулло, Раиси Кумитаи кор бо занон ва оила Хайринисо Юсуфӣ, Директори шабакаи телевизиони бачагонаи «Баҳористон» Низом Қосим ва муовини вазири саноат ва энергетикаи мамлакат Маҳмадшариф Ҳақдодов бинобар сабаби пешниҳод шуданашон ба номзадии вакилии Маҷлиси намояндагони Маҷлиси Олии Ҷумҳурии Тоҷикистон аз вазифа озод карда шуданд.            Абдусамӣ Додобоев муовини Прокурори генералӣ  ва Юсуфалӣ Муродов муовини фармондеҳи қушунҳои сарҳадии КДАМ ҶТ низ бо фармони Сарвари давлат аз вазифа озод карда шуданд.