БОНКҲО МУШТАРИЁНРО ҲАВАСМАНД МЕГАРДОНАНД

                  Душанбе, 28 январ. (АМИТ «Ховар», Л. Додоев). — Чанде аз муштариёни бахши «Ориёнбонки» Вилояти Мухтори Кӯҳистони Бадахшон (ВМКБ) бо тӯҳфаҳои қимматбаҳо соҳиб шуданд.                  Дар сӯҳбат ба мухбири АМИТ «Ховар» раиси бахши «Ориёнбонк» дар ВМКБ Навниҳол Ёдалиев гуфт, ки «Мо ҳамасола бозии бурдҳо ташкил мекунем, Дар ин бози шахсоне ҳуқуқи иштирок кардан доранд, ки маблағи пасандозашон беш аз се ҳазор сомонӣ бошад. Инчунин дар ин бозӣ мошини сабукрав низ пешниҳод шудааст».                      Н. Ёдалиев ҳамчунин афзуд, ки дар бозии навбатӣ муштариён соҳиби компютер, маркази мусиқӣ ва дастгоҳи мавҷгири параболӣ гардиданд.