КӢ БА КАДОМ ВАЗИФА ТАЪИН ШУД?

                  Душанбе, 27 январ. (АМИТ «Ховар», Наталя Михайлова). — 27 январ бо фармони вазири корҳои дохилии Ҷумҳурии Тоҷикистон Шодибек Раҷабов сардори раёсати хидмати давлатии «Муҳофиза» — и Вазорати корҳои дохилии ҷумҳурӣ таъин гардид. Ш.Раҷабов қабл аз ин сардори Раёсати корҳои дохилии вилояти Хатлон буд.                      Ш.Раҷабов дар ин вазифа полковники милиса Лолахон Раҳмоновро иваз кард. Л.Раҳмонов бо қарори Ҳукумати Ҷумҳурии Тоҷикистон аз 20 январи соли 2010 директори Агентии таъминоти моликияти махсуси Вазорати рушди иқтисод ва савдои ҷумҳурӣ таъин карда шуд.                      Бо фармони дигари вазири корҳои дохилӣ полковник Фотеҳ Қунғуротов сардори Шӯъбаи корҳои дохилии ноҳияи Исмоили Сомонии шаҳри Душанбе таъин гардид. Вай дар ин вазифа полковник Маҳмудулло Насруллоевро иваз намуд, ки айни ҳол дар ихтиёри Раёсати кадрҳои ВКД ҷумҳурӣ мебошад.