МАҶЛИСИ ШӮРОИ АМНИЯТИ СММ

                 Ню — Йорк, 11 январ. (АМИТ «Ховар» — риан.ру). – 13 январ дар Ню – Йорк маҷлиси навбатии Шӯрои амнияти СММ дар мавзӯи ҳамкории созмонҳои минтақавӣ дар таъмини сулҳу амнияти саросари ҷаҳон баргузор мегардад. Дар он роҳбарони созмонҳои калонтарини байналхалқию минтақавӣ, аз ҷумла, НАТО, САҲА ва созмонҳои дигар, инчунин муншии умумии СММ ширкат меварзанд.                    Муншии умумии Созмони аҳдномаи амнияти дастаҷамъӣ Николай Бордюжа имрӯз барои иштирок дар маҷлиси мазкур ба Ню – Йорк рафт. Вай ғайр аз иштирок дар маҷлиси Шӯрои амният, бо муншии умумии СММ Пан Ги Мун ва муовини ӯ дар масъалаҳои сиёсӣ Линн Песку ва роҳбари Кумитаи зиддитеррористии Шӯрои амният мулоқот хоҳад кард. Яке аз мавзӯъҳои марказии рӯзномаи маҷлисро вазъияти Афғонистон ташкил медиҳад.