ОМӮЗИШИ 113 ЛОИҲАИ ИНВЕСТИТСИОНӢ

                 Душанбе, 26 январ. (АМИТ «Ховар», Лаззат Диловарзод).- Бино ба гуфти директори муассисаи давлатии Маркази идоракунии лоиҳаи «Рушди деҳот» Усмон Сабзов, ба маркази мазкур 113 зерлоиҳаи инвеститсионӣ ворид шудааст, ки ҳамаи онҳо аз ҷониби мутахассисон мавриди омӯзиш қарор доранд. Алҳол ба Марказ аз шаҳрҳои Ваҳдат 28 зерлоиҳа, Роғун – 13, ноҳияҳои Рӯдакӣ — 35, Файзобод -25 ва ноҳияи Варзоб – 12 зерлоиҳа ворид шудааст.                   Самтҳои асосии лоиҳаҳои воридшуда, ба барқарору коршоямгардонии каналҳои обтаъминкунии байнихоҷагиҳо, таъмиру таҷдиди иншоотҳои гидротехникӣ, сохтмони системаҳои оби нӯшокӣ, ба эътидол овардани роҳҳои автомобилгарди деҳот, барқарор намудани пулу кӯпрукҳои корношоями деҳот, сохтмони пулҳои нав, бунёди боғот ва ба ташкили фермаҳои хурди чорводорӣ равона карда шудааанд.