РУШДИ ИЛМ ДАР БАДАХШОН

                    Бадахшон, 18 январ. (АМИТ «Ховар», Л. Додо).- Дар Бадахшон то даврони Истиқлолияти Ҷумҳурӣ аз муассисоти илмӣ танҳо Пажӯҳишгоҳи биологии Помир фаъолият дошту халос. Баъди Истиқлолият дар вилоят Пажӯҳишгоҳи улуми инсоншиносии Академияи улуми Ҷумҳурӣ, Донишгоҳи давлатии бо номи Моёншоҳ Назаршоев, пойгоҳи илмии АУ кишоварзии Ҷумҳурӣ, Донишкадаи такмили ихтисоси омӯзгорон рӯи кор омаданд. Дар ҳамаи ин муассисот пажӯҳишгарон аз рӯи ин ё он мавзӯъ машғули корҳои илмианд. Тавре садри Пажӯҳишгоҳи улуми инсонӣ Шодихон Юсуфбеков иттилоъ дод, танҳо дар ҳамин ҷо 32 нафар ба корҳои илмию тадқиқотӣ машғуланд, ки ба онҳо 4 нафар доктори илм ва 14 нафар номзади илм мадад мерасонанд.