АВФШУДАГОН ҶИНОЯТ СОДИР КАРДАНД

Кӯлоб, 17 феврал. (АМИТ «Ховар», Сулаймон Холов). – «Кормандони Шӯъбаи корҳои дохилии ноҳияи Восеъ дар натиҷаи дидани чораҳои фаврӣ_ҷустуҷӯӣ гурӯҳеро  боздошт кардаанд, ки дар ғорати 26 дӯкони савдо гумонбар дониста мешаванд”. Дар ин бора ба мухбири АМИТ “Ховар” муовини сардори Шӯъбаи корҳои дохилии ноҳияи Восеъ Хайриддин Ҷафаров, иттилоъ дод. Ӯ қайд кард, ки ин  гурӯҳи чаҳор нафара, ки ҳар яке аз манотиқи гуногуни Тоҷикистон будаанд, моҳи декабри соли гузашта мувофиқи “Қонун дар бораи авф” аз зиндон раҳо шудаанд. Онҳо баъд аз озод шудан аз маҳбас бо мақсади ба даст овардани пули бе дарди миён дар давоми ду моҳи ахир ба ғоратгарӣ даст заданд.  Гурӯҳи мазкур дар дигар манотиқи Тоҷикистон низ ҷиноят содир карданд. Тафтишот идома дошта, далелҳо ҷамъ оварда мешаванд.