БА 8 ҲАЗОР МӮХТОҶОН КӮМАК РАСОНИДА ШУД

Ваҳдат, 22 феврал. (АМИТ «Ховар», Зебо Давлатова). — Тавре муовини раиси шаҳри Ваҳдат Руқия Раҳматзода дар сӯҳбат бо мухбири АМИТ «Ховар» иттилоъ дод, бо ташаббуси раиси шаҳри Ваҳдат Анвари Вайсиддин дар давоми соли 2009 ба пирони кор, иштирокдорони ҶБВ, шахсони яккаву танҳо ва оилаҳои камбизоат кӯмакҳои моддиву маънавӣ расонида шуд. Ҳамчунин аз ҷониби ташкилоту идораҳо, ҷамоату деҳотҳо, хоҷагиҳо ва шахсони алоҳида ба суратҳисоби Фонди ҷамъиятии хайрияи Тоҷикистон 15656 сомонӣ маблағ ворид карда шуд. Мувофиқи суханони Р.Раҳматзода ҳар моҳ аз 400 то 1000 нафар, дар маҷмӯъ ба 8 ҳазор шахсони камбизоату мӯҳтоҷ аз ҷониби мақомоти иҷроияи ҳукумати шаҳр кӯмаки моддию маънавӣ расонида шудааст.