ДАР ДУШАНБЕ МАКАРОНИ ЗАҲРОЛУД ИСТЕҲСОЛ МЕКУНАНД?

Душанбе. 4 феврал. (АМИТ «Ховар», Бекназари Абӯбакр). Мутахассисони Агентии давлатии «Тоҷикстандарт» дар асоси аризаи соҳибкори шаҳри Душанбе Шавкат Бердиев макарони лапшаи  истеҳсолнамудаи корхонаи он «Скоровор»-ро ташхис намуда, муайян мекунанд, ки 2 тонну 150 килограмм макарони зикршуда ғайристандартӣ буда, ранг, бӯй ва маззаи он ба талабот ҷавобгӯй нест. Аз ин лиҳоз, онҳо истеъмоли ин маҳсулотро ба хӯроки чорво ва паранда тавсия медиҳанд, вале бо сабаби заҳролуд будан ва зиён доштани он Хадамоти назорати байторӣ барои парандагон ва чорво истеъмоли онро иҷзот намедиҳад. Дар «Тоҷикстандарт» ба АМИТ «Ховар» иттилоъ доданд, ки маҳсулоти мазкур дар партовгоҳи махсуси шаҳри Душанбе нобуд карда шуд.