ДАР ШАҲРИ ЧЕЛЯБИНСК САҲМИЯҲОИ НБО РОҒУНРО ХАРИДОРӢ КАРДАНД

              Душанбе, 10 феврал. (АМИТ «Ховар», Наргис Бояаҳмедова). — Соҳибкорон ва аъзои Ҷамъияти тоҷикони ш.Челябински Федератсияи Русия ба маблағи 50 ҳазору 700 доллари ИМА саҳмияҳои Нерӯгоҳи барқи обии Роғунро харидорӣ карданд.              Тавре сардори раёсати иттилооти  ВКХ Ҷумҳурии Тоҷикистон Давлат Назриев  ба АМИТ «Ховар» хабар дод, Консули генералӣ дар якҷоягӣ бо Сафорати Ҷумҳурии Тоҷикистон дар Федератсияи Русия ва намояндагони бонки «Тоҷиксодиротбонк» фурӯши саҳмияҳои НБО Роғунро дар ш.Челябинск ба роҳ монданд.             «Соҳибкорон ва аъзои Ҷамъияти тоҷикони ш.Челябинск гузоштани саҳми арзандаи худро дар сохтмони ин иншооти аср идома доданианд», — қайд кард Д.Назриев.