МАРКАЗИ НАВИ ТАШХИС

Хоруғ, 5 феврал. (АМИТ «Ховар», Л.Додо). —  Пешрафти босуръати иқтисоду иҷтимоъ барои беҳтар ба роҳ мондани хизматрасонии тиббӣ ба аҳолӣ, ташкили нуқтаҳои нави хизматрасонии тиббиро тақозо дорад. Бо назардошти шароити кунунӣ табибони соҳибтаҷриба тарзҳои замонавии хизматрасониро интихоб менамоянд. Ба наздикӣ Ҷамъияти дорои масъулияти маҳдуди «Солим» таҳти сарварии духтур Азизшо Хуҷасолиев таъсис ёфт.Дар ин ҷо бо сарфи кам маскунони ВМКБ аз ташхисӣ тиббӣ мегузаранд. Дар Маркази ташхисӣ табибони соҳибтаҷриба фаъолият дошта, дар ихтиёрашон дастгоҳҳои замонавии тиббӣ доранд. Асосан касалиҳои дилу касалиҳои даруниро ташхис менамоянд. Марказ дар шаҳри Хоруғ, дар маҳаллаи Касалхонаи вилоятӣ, дар ошёнаи дуюми дорухонаи « Шифо» фаъолият дорад.