МУЛОҚОТИ Ҳ.ЗАРИФӢ БО САФИРИ НАВИ ҶУМҲУРИИ КУРИЁ

Душанбе,  25  феврал. (АМИТ «Ховар», Наргис  Бояхмедова). —  Вазири  корҳои  хориҷии  Ҷумҳурии  Тоҷикистон  Ҳамрохон  Зарифӣ  24  феврал  бо   иҷрокунандаи   нави  вазифаҳои  сафири  Ҷумҳурии  Куриё  дар  Тоҷикистон  Ро  Сун — мин  мулоқот  кард. Зимни сӯҳбат  аз  вазъи  имрӯзаи  муносибатҳо  ва  ҳамкории ҳар  ду  кишвар   изҳори  каноатмандӣ  карда  шуд. Ҳамрохон  Зарифӣ  изҳор  намуд, ки  Ҳукумати  Тоҷикистон ва  доираҳои  тиҷоратии он   тайёранд  бо  Ҷумҳурии  Куриё  дар  ҳамаи  соҳаҳо   ҳамкорӣ  кунанд.  Зикр  шуд, ки   ҳамкорӣ  бо  Агентии  ҳамкории  байналмилалии  Куриё  ба  манфиати  ҳар  ду  ҷониб  мебошад. Мусоҳибон  инчунин масъалаҳои  бартараф  сохтани  оқибати   бӯҳрони  ҷаҳонии  молиявӣ,  муҳайё  сохтани  шароит   барои   ҳамкории   соҳибкорону  тоҷирони  ҳар  ду  кишвар  ва   нақши  Тоҷикистонро  дар  бобати  беҳтар  намудани  вазъияти  Афғонистон  баррасӣ  намуданд.