МУЛОҚОТИ БАЙНАЛМИЛАЛИИ ИҚТИСОДИИ ДАВЛАТҲОИ ИДМ

Душанбе,  10  феврал. (АМИТ «Ховар»). —  Кумитаи  иҷроияи  ИДМ, Вазорати  рушди  иқтисоди  Федератсияи  Русия  ва  Шӯрои  Маркази  рушди  иқтисодии  ИДМ  5  марти соли  равон   дар  шаҳри  Маскав  мулоқоти байналмилалии  иқтисодии  давлатҳои Иттиҳодро   таҳти  унвони «Ташаббусҳои нав  дар  соли  раёсати Русия дар  ИДМ» баргузор  месозанд. Ҳадафи  мулоқоти  мазкур  амалӣ  сохтани   барномаи  стратегии  рушди  иқтисодии  ИДМ  дар  давраи  то  соли  2020  мебошад, ки   бо қарори  Шӯрои  сарони  Ҳукуматҳои  ИДМ  моҳи  ноябри  соли  2008  қабул  шуда буд. Дар  мулоқот  роҳбарону намояндагони  мақомоти ҳокимияти  давлатии  мамлакатҳои  ИДМ,  созмонҳои  ҷамъиятӣ,  тоҷирону  соҳибкорон  ва  бонкҳои  мамлакатҳои  ИДМ  ширкат  меварзанд.