ПОРАГИРИ ИСТАРАВШАНӢ ДАСТГИР ШУД

Душанбе, 11 феврал. (АМИТ «Ховар», Лаззат Диловарзод).- шаҳрванд «О» ба Раёсати Агентии НДМ ва мубориза бо коррупсияи вилояти Суғд аз болои иҷрочии суди шаҳри Истаравшан Акмал Холов бо ариза муроҷиат карда навиштааст, ки А. Холбоев барои дароз намудани мӯҳлати иҷрои ҳалномаи суд оид ба кӯчонидан аз манзил ба сифати пора 2 ҳазор сомонӣ талаб намудааст. Дар вақти гузаронидани чораҳои фаврӣ — ҷустуҷӯӣ рӯзи 15 – уми январи соли ҷорӣ А. Холбоев пас аз гирифтани пора ба маблағи 2 ҳазор сомонӣ дар утоқи кориаш,  воқеъ дар бинои суди шаҳри Истаравшан аз тарафи кормандони Раёсати Агентии НДМ ва мубориза бо коррупсияи вилоят Суғд дастгир карда шуд. Нисбати А. Холбоев бо моддаи 319 қ.1 (гирифтани пора) – и КҶҶТ парвандаи ҷиноятӣ кушода гардида, тафтишот бурда мешавад.