РОҲИ ИНТИҚОЛИ МАВОДИ НАЪШАДОР БАСТА ШУД

Душанбе, 8 феврал. (АМИТ «Ховар», Наталья Михайлова) —   5 феврал кормандони шӯъбаи фаврӣ — тафтишотии Раёсати Агентии мубориза бар зидди маводҳои нашъадори назди Президенти Ҷумҳурии Тоҷикистон дар вилояти Хатлон роҳи интиқоли маводи нашъадор аз Афғонистон ба Тоҷикистонро дар ҳудуди ноҳияи Панҷ бастанд. Ҳангоми гузаронидани амалиёт сокини ноҳияи Панҷ «Х.Б.» бо 8 кг. 05 гр. афюн ва 2 кг. 25 гр. банг дастгир карда шуд. Дар рафти корҳои тафтишотӣ-ҷӯстуҷӯӣ, хамчунин ҳамроҳи «Х.Б.» сокини ноҳияи Панҷ шаҳрванд «М.Н.» низ боздошт карда шуд (барои халал нарасонидан ба тафтишот маълумоти пурра оид ба дастгиршудагон дода намешавад). Тавре ки аз маркази матбуотии Агентӣ иттилоъ доданд, айни ҳол дастгиршудагон дар боздоштгоҳи тафтишотии Агентӣ дар вилояти Хатлон нигоҳ дошта мешаванд, оид ба ин ҳодиса парвандаи ҷиноятӣ боз карда шудааст. Чорабиниҳо барои муайян кардани шахсони ба ин ҷиноят даст дошта аз ҳисоби шаҳрвандони Тоҷикистон ва Афғонистон пеш бурда мешаванд.