РУСТАМИ ЭМОМАЛӢ ВАКИЛИ ШАҲРӢ МЕШАВАД
Душанбе, 11 феврал.(АМИТ «Ховар», Марзия Саидова).- Ташкилотҳои ҳизби Халқи-Демократии Тоҷикистон дар ноҳияи Исмоили Сомонии пойтахт дар конфронси 16-уми худ, номзадии сардори раёсати дастгирии соҳибкории Кумитаи давлатии сармоягузорӣ ва амволи давлатии ҷумҳурӣ Рустами Эмомалиро ба Маҷлиси вакилони халқи шаҳри Душанбе дар ҳавзаи рақами 23 –и ноҳияи Исмоили Сомонӣ пешниҳод карданд. Ҳамчунин, дар ин ҳавза ду номзади дигар ба вакилии Маҷлиси вакилони халқи шаҳри Душанбе пешниҳод шудаанд. Онҳо Мирзои Хуршед, (ғайриҳизбӣ) сармутахассиси шӯъбаи ҳамкориҳои иқтисодии Вазорати рушди иқтисод ва савдои ҷумҳурӣ, инчунин Ҳамроқул Одинаев намоянда аз Ҳизби наҳзати исломии Тоҷикистон, коргари ширкати «Титако» мебошанд. Дар ин хусус аз ташкилоти шаҳрии ҲХДТ ба АМИТ «Ховар» иттилоъ доданд. Бояд зикр кард, ки итихоботи вакилони маҷлиси шаҳри Душанбе дар радифи интихоботи порлумонӣ 28 феврали соли 2010 баргузор мешавад. Ба Маҷлиси маҳаллии вакилони халқи шаҳри Душанбе 70 вакил интихоб мешаванд ва дар ҳамаи 70 ҳавза ҲХДТ номзадҳои худро пешниҳод кардааст.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
