МАШВАРАТИ ИҚТИСОДИИ ДАВЛАТҲОИ ИДМ

  Душанбе,  5 март. (АМИТ «Ховар», Покиза  Маҳмадбекова). —  27 – 28  апрели  соли  равон  дар  шаҳри  Донецки  Украина  дар  мавзӯи  «Ҳамкории тиҷоратию  иқтисодии  давлатҳо»  машварати  иқтисодии  давлатҳои  аъзои  ИДМ  баргузор  мегардад. Ҳадафи  он   мубодилаи таҷриба дар  байни  тоҷирону  соҳибкорони  минтақаҳои  наздисарҳадӣ,  ҷустуҷӯ  кардан  ва  ёфтани  имкониятҳои  нави   ҳамкорӣ  дар  соҳаи  тиҷорат,  густариш  додани  ҳамкории  палатаҳои  савдо  ва  саноат,  мақомоти  ҳокимияти давлатӣ,  вусъат  додани  ҳамкорӣ ва  ҳамгироии   истеҳсолӣ,  илмӣ  ва техникӣ,   бартараф  намудани  монеаҳои  хариду  фурӯши  мол  ва  ғайра  мебошад. Палатаи  савдо  ва  саноати   Тоҷикистон  корхонаю ташкилотҳои  мамлакатро  даъват  менамояд, ки   дар  машварати  мазкур  иштирок  намоянд.