ОҒОЗИ КИШТИ ПАХТА

Душанбе,  26 март. (АМИТ «Ховар», Кристина  Эрлих). —  Дар  Тоҷикистон  мавсими  кишти  чигит  оғоз  ёфт. Аз дафтари  матбуоти  Вазорати  кишоварзӣ  ба  АМИТ «Ховар»  хабар  доданд, ки хоҷагиҳои  пахтакори  вилоятҳои  Суғд  ва  Хатлон  аввалин  шуда,  ба  маъракаи  кишт  шурӯъ  намуданд.  Имсол  барои  кишти  пахта  183,4  ҳазор  гектар  замин  ҷудо  карда шудааст, ки  нисбат ба  соли гузашта 14,5  ҳазор  гектар  зиёд  аст. Мухбири  АМИТ «Ховар»  зикр  менамояд, ки  имсол  маъракаи  кишти  пахта  нисбат ба  порсола як  моҳ  пеш  оғоз  ёфт. Аз  рӯи  маълумоти  Агентии  омори   назди  Президенти  ҷумҳурӣ  соли  2009  ба  хориҷи  кишвар   ба  маблағи 99,7  миллион  долллари  ИМА 86,6  ҳазор  тонна  нахи  пахта  фиристода  шуд.