ОҒОЗИ ЛОИҲАИ НАВИ ТАҶДИДИ БЕМОРХОНАҲО

Душанбе, 16  март. (АМИТ «Ховар», Ибодат Давлатова). —  Консепсияи Ҷумҳурии Тоҷикистон оид ба таҷдиди сохтори беморхонаҳо барои солҳои 2006-2010 аз тарафи Вазорати тандурустӣ амали мегардад. Дар ин бора ба мухбири АМИТ «Ховар» аз Вазорати тандурустии Ҷумҳурии Тоҷикистон иттилоъ доданд. Консепсия бо мақсади беҳтар намудани идоракунӣ ва саводнокии мутахассисон дар марҳилаи худ такмил ва беҳтар намудан, иваз намудани таҷҳизот, омўзонидани мутахассисонро дар бар мегирад.  Оғози лоиҳаҳои наве, ки  дар вилояти Хатлон амалӣ мегарданд, ин беҳтар намудани хизматрасонии тиббӣ ба модарону кўдакон дар вилояти Хатлон, Ҷумҳурии Тоҷикистон/Барномаи тандурустӣ – Бонки Олмонии Рушд, маблағгузорӣ аз тарафи Бонки Олмонии Рушд бо ҳамкории Вазорати тандурустии Ҷумҳурии Тоҷикистон мебошанд. Мақсади барномаи Бонки Олмонии Рушд ин беҳтар намудани сатҳи саломатии аҳолии вилояти Хатлон ва расидан ба мақсадҳои IV ва V ҳадафҳои рушди Ҳазорсола дар Ҷумҳурии Тоҷикистон мебошад. Мақсади асосии ин барнома барои беҳтар намудани дастрасӣ ба   хизматрасонии сифатноки тиббӣ ба модарону кўдакони аҳолии вилояти Хатлон мебошад.  Дар вилояти Хатлон 3 Беморхонаи вилоятӣ, 1 Беморхонаи шаҳрӣ, 26 Беморхонаи ноҳиявӣ ва 76 Беморхонаи деҳотӣ вуҷуд доранд.   Таъмир ва таҷҳизонидани шўъбаҳои гинекологӣ ва акушерӣ, омўзонидани мутахассисон дар 10 беморхонаҳои таҷрибавӣ ба беҳтар шудани сатҳи сифатнокии хизматрасонии тиббӣ, таъмини мўътадили миқдори катҳо, кам кардани миқдори рўзҳо дар статсионарҳо, беҳтар намудани истифодаи таҷҳизоти тиббӣ дар вақти қўмак расонидани хизматрасониҳои тиббӣ расонида мешавад.