РӮЗҲОИ ИСТИРОҲАТ ДАР ИДИ НАВРӮЗ

Душанбе,  19 март. (АМИТ «Ховар», Кристина  Эрлих). – Аз  Федератсияи  иттифоқҳои  касабаи  мустақили  Тоҷикистон  ба  АМИТ «Ховар»  хабар  доданд, ки  вобаста ба  таҷлили  иди  баҳор  — Наврӯз  дар  мамлакат  аз  20  то  25  март   рӯзҳои  истироҳат  муқаррар  карда  шудаанд. Мувофиқи тақвим, 20  март  рӯзи  шанбе  ва  истироҳат  мебошад. Вале  21  март, ки  рӯзи  ид  аст,  ба  рӯзи  якшанбе  рост  меояд. Бинобар  ин,  мувофиқи  қонун  «Дар  бораи рӯзҳои  ид» рӯзи  истироҳат   ба рӯзи  дигар,  яъне  ба рӯзи  25  март  гузаронида  мешавад. Мудири  шӯъбаи  ҳуқуқи  Федератсияи  иттифоқҳои  касабаи  мустақили  Тоҷикистон  Исмоил  Файзиев  зикр  намуд, ки   ҳамин  тариқ,  сокинони  Тоҷикистон  дар  рӯзҳои  иди  Наврӯз 6  рӯз  истироҳат  мекунанд.  26  март  рӯзи  корӣ  мебошад.