САҲМИЯҲОИ РОҒУН ДАР ХАТНАСУР

Қӯрғонтеппа, 17 март. (АМИТ «Ховар», Юсуфбек Беков).- Дар шаҳри Қӯрғонтеппа соли ҷорӣ  60  адад маьракаҳои мардумӣ гузаронида шудааст. Дар ин бора ба мухбири АМИТ «Ховар» Хатичабону Ализода, корманди шоистаи Ҷумҳурии Тоҷикистон, мудири бахши танзими анъана ва ҷашну маросимҳои шаҳри Қӯрғонтеппа хабар дод. Ӯ мегӯяд, ки дар соли равон 22 тӯи домодию арусӣ, 2 хатнасур,  17 чил  ва 19 маъракаи сол доир гардиданд. Дар моҳи феврал тӯйҳо бениҳоят кам гузаштанд, ки сабаби аслиаш агар ба истилоҳ  гӯем моҳи сафар буд. Мардум аз ин моҳ хело тарс доранд.  «Ба наздикӣ дар шаҳри Қурғонтеппа тӯи хатнасури 30 нафар оилаҳои камбизоатро дар тарабхонаи «Оби тоза», як тан соҳибкори ин шаҳр Нусратулло Файзулоев баргузор намуда, дар ин баробар ба онҳо саҳмияҳои НОБ «Роғун»- ро тақдим намуд», иброз дошт дар идомаи суханрониаш Хатичабону Ализода.