ТАНҲО 35 ФОИЗИ КОРХОНАҲО МАҲСУЛОТ ИСТЕҲСОЛ КАРДАНД

Душанбе, 30 март. (АМИТ «Ховар», Лаззат Диловарзод).- Дар  ду моҳи  аввали  соли ҷорӣ дар корхонаҳои саноатӣ маҳсулоти истеҳсолшуда нисбат ба ҳамин давраи соли 2009 43,5 фоиз афзуд. Дар ин давра аз 816 корхонаҳои истеҳсолӣ 335 корхона тавонист маҳсулоти бештар истеҳсол намояд. Дар моҳҳои январ – феврали соли 2010 дар Вилояти Мухтори Кӯҳистони Бадахшон аз 13 корхона 6 корхона, аз ҷумла, КММ «Ҷавҳарӣ», «Помир Доруворӣ»,  ҶСШК «Ҳаёти нав» ва «Хаёт» ба андозаи 46,2 фоиз, дар вилояти Суғд аз 242 корхона 115 корхона, аз ҷумла, ҶДММ «Амон», «Шоҳон», «Петролиуми Суғд», «Шароб», «Гулхона» ва «Евроазия — 2005» ба қадри 45,5 фоиз ва дар вилояти Хатлон аз 248 корхона 111 корхона, аз ҷумла, ҶММ «Салоса», «Кангурт», «Шириниҳои Шафоат», «Орди Хатлон» ва «Кӯлоб — Текстайлз» ба андозаи 48,8 фоиз бештар  нисбат ба ҳамин давраи соли 2009 маҳсулот истеҳсол намуданд,- иброз доштанд дар Вазорати энергетика ва саноат ба мухбири АМИТ «Ховар».