ҚАРЗИ БОНКӢ — ОМИЛИ ПЕШБУРДИ ФАЪОЛИЯТИ ДЕҲҚОН

Бадахшон, 9 апрел. (АМИТ «ХОВАР», Лутфишо Додо).- Дар рушди соҳаи кишоварзӣ бонкҳои аграрии ВМКБ имдодгари деҳқононанд. Соли 2009 филиали ҶСК «Агроинвестбонк» дар ноҳияи Ванҷ ба деҳқонон беш аз 210 ҳазор сомонӣ қарз дод. Деҳқонон бо ин маблағ тухмию сӯзишвори харида, корро пеш бурдаанд. Ба гуфти сардори идораи кишоварзии ноҳия Хушқадам Неъматов  соли ҷорӣ андозаи қарзи бонкӣ ба деҳқонон беш аз 300 ҳазор сомониро ташкил медиҳад. Дар ин даврони бӯҳрони  шадиди иқтисодию молиявӣ қарзи ин бонкҳо ягона роҳи беҳбудӣ бахшидан ба фаъолияти деҳқонон аст.