ГАРМХОНАҲОИ МАВСИМӢ Ё КИШТИ ЗЕРИ ПЛЁНКА

Душанбе, 13 апрел. (АМИТ «Ховар», Лаззат Диловарзод).- Бино ба маълумоти расмии Раёсати растанипарварии Вазорати кишоварзӣ, то 12 – уми апрели соли ҷорӣ дар ҷумҳурӣ дар майдони 1379,55 га гармхонаҳои мавсимӣ ё кишти зери плёна гузаронида шудааст, ки он нисбат ба дигар сабзавоти дар моҳҳои марту апрел кишт гардида 1 – 1,5 моҳ пештар пухта мерасад. Ба замми ин,  дар ҷумҳурӣ  66 га гармхонаҳои доимоамалкунанда мавҷуд аст, ки аз  онҳо то 12 – уми апрели соли ҷорӣ дар вилояти Суғд 42,4 тонна помидор, 52,1 тонна бодиринг ва 62, 7 тонна дигар навъҳои сабзавот истеҳсол карда шудааст. Дар вилояти Хатлон  бошад дар ин муддат беш аз 70 тонна помидор ва 100, 5 тонна бодиринг ҷамъоварӣ ва ба бозорҳои ҷумҳурӣ бароварда шудааст.