«НАВРӮЗИ РОҒУН» АЗ БОҒИ АҲЛИ ИЛМУ АДИБИ ТОҶИК

Душанбе, 6 апрел. (АМИТ «Ховар», Лутфия Эшонкулова).- Китоби дастаҷамъии аҳли илму адаби тоҷик бо номи «Наврӯзи Роғун» 9 апрел дар Иттифоқи нависандагони Тоҷикистон муаррифӣ карда мешавад. Муовини раиси Иттифоқи нависандагон Абдулҳамид Самадов, ба мухбири АМИТ «Ховар» хабар дод, ки китоби мазкур ба наздикӣ дар нашриёти «Адиб» бо теъдоди 1000 нусха  чоп шуда, дар он намунаи эҷоди назму насри 89 шоиру нависандаи тоҷик гирд оварда шудааст. Ҳамаи шеъру очерку публитсистикаи  дар ин маҷмӯа наршгардида, ба НОБ-и Роғун бахшида шудааст. Китоби мазкур бо Муроҷиатномаи Сарвари давлат ба мардуми Тоҷикистон оид ба сохтмони ин нерӯгоҳи нурофарин оғоз ёфта, сухани муқаддимавии он ба қалами раиси Иттифоқи нависандагон Меҳмон Бахтӣ тааллуқ дорад. Аз ҷумла, дар он омадааст, ки «Наврӯзи Роғун» дастовардест аз боғи аҳли илму адаби тоҷик, ки ба бинокорони НОБ-и Роғун тақдим мегардад».