НОБОЛИҒРО ЧӢ МАҶБУР КАРД, ТО ДАСТ БА ХУДКУШӢ ЗАНАД?

           Душанбе, 9 апрел. (АМИТ “Ховар”, Жасмин Назарова). – Рўзи 8 апрели соли ҷорӣ дар ҷумҳурӣ ду далели худкушӣ ба қайд гирифта шуд.  Тавре аз дафтари матбуоти Вазорати корҳои дохилии ҶТ иттилоъ доданд, ноболиғ Нуриддин Муҳаммадиев соли таваллудаш 1999, истиқоматкунандаи ноҳияи Рўдакӣ хонандаи синфи 4 мактаби таҳсилоти ҳамагонии ноҳия дар хонаи истиқоматии худ бо воситаи доркашӣ худро ба ҳалокат расонидааст. Инчунин Олимҷон Солеҳов, соли таваллудаш 1955 сокини шаҳри Хуҷанд, посбони мактаби таҳсилоти рақами 2 ноҳияи Б. Ғафуров дар ҳолати мадҳушӣ дар бўстонсарой воқеъ дар ҷамоати Ғозиев худро бо роҳи доркашӣ ба ҳалокат расонидааст. Нисбати ин далелҳо корҳои тафтишотӣ идома дорад, сабаби худкушӣ муайян карда мешавад.