ОБ САРВАТИ БЕБАҲО

Душанбе, 1 апрел. (АМИТ «Ховар», Лаззат Диловарзод).- Пешрафти тамаддуни башариро бидуни об тасаввур кардан ғайри имкон аст,- гуфтааст олими амрикоӣ Ҳамонд. Ҷумҳурии Тоҷикистон, ки баъди Русия  аз ҷиҳати захирахои обӣ дар ҷойи дуюм меистад, нақшаҳои зиёди иқтисодиро дар истифодаи он ба даст дорад. Тибқи нақшаҳои энергетикии Ҷумҳурии Тоҷикисон, дар дарёи Панҷ аз нигоҳи иқтисодӣ сохтмони 13 нерӯгоҳ, аз қабили: неррӯгоҳҳои барқи обии «Баршор», «Андароб», «Пиш», «Хоруғ», «Рӯшон», «Язғулом», «Дарвозаҳои хоро», «Ширговад», «Хостав» дар Бадахшон, «Даштиҷум», «Ҷумар», «Москва» ва «Кончӣ» дар вилояти Хатлон аз 300 то 4000 ҳазор МГВт буда, метавонад маҷмӯан 80,6 млрд. кВт соат дар як сол нерӯи барқ истеҳсол  кунанд, пешбинӣ шудааст. Дар дарёи кӯҳии  Зарафшон 10 нерӯгоҳ бо истеҳсоли солонаи беш аз 33 млрд. кВт соат ва дар дарёи Кофарниҳон 7 нерӯгоҳ бо истеҳсоли солонаи 8,7 млрд.кВт соат имконпазир аст,- иброз доштанд дар Пажӯҳишгоҳи «Нурофар» ба мухбири АМИТ «Ховар».