ОМӮЗИШИ КАСБҲОИ БОЭЪТИБОР

Душанбе, 13 апрел. (АМИТ «Ховар», Лаззат Диловарзод).- Агентии «Тоҷикстандарт» барои баланд бардоштани сифати хизматрасонӣ дар тарабхонаҳо, идораҳои туристӣ ва сайру саёҳат,    ҳамчунин дар меҳмонхонаҳо шахсони аз курсҳои махсуси хизматрасонӣ гузаштаро ба ҷои кори доимӣ таъмин намуд. Боис ба ёдоварист, ки дар давоми соли 2009 ва се моҳи соли ҷорӣ Агентии «Тоҷикстандарт» дар ҳамкорӣ бо  «Ассотсиатсияи тарабхонадорону меҳмонхонадорон» ва      фоннди миллии «Шоҳроҳи абрешим»  ва мактаби миллиии «Туризм» курсҳои кӯтоҳмуддати  «Пешхизмати тарабхона», «Корманди меҳмонхона», «Туризм ва сайру саёҳӣ»  таъсис доданд. Айни замон беш аз 300 нафар хатмкунандагон ба ҷойҳои   кори доимӣ қабул гардиданд.