ҶОПОН ДАР РОШТҚАЛЪА НЕРӮГОҲ МЕСОЗАД

Хоруғ, 13 май. (АМИТ «Ховар», Л.Додо). – Тавре аз мақомоти иҷроияи ҳокимияти давлатии ноҳияи Рошткалъа ба мухбири АМИТ «Ховар» иттилоъ доданд, дар ҷамоати деҳоти Тусён бунёди ду иншооти аҳамияти муҳимдошта, аз ҷумла бинои ҷамоати деҳот ва нерӯгоҳи хурди барқи обии дорои 300 кВт оғоз гардид. Мавриди зикр аст, ки бинои ҷамоати деҳот аз ҳисоби маблағҳои буҷавӣ ва истгоҳи барқи обӣ бошад, мутобиқи барномаи давлатии Ҷопон бунёд мешаванд, ки маблағи ҳиссаи давлати Ҷопон 93 ҳазор доллари ИМА-ро ташкил медиҳад.