196 АССОТСИАТСИЯҲОИ ОБИСТИФОДАБАРӢ

Душанбе, 27 май. (АМИТ «Ховар», Лаззат Диловарзод).- Бино ба маълумоти Вазорати мелиоратсия ва захираҳои оби ҷумҳурӣ, дар сартосари кишвар 196 адад ассотсиатсияҳои истифодабарандагони об созмон дода шудааст. Ассотсиатсияҳои созмонёфта, ба зиёда аз 200 ҳазор гектар замини хоҷагиҳо хизматрасонии обро таъмин менамоянд. Ба ин ассотсиатсияҳо идораҳои давлатии хоҷагии об кӯмаки методӣ мерасонанд. Ба иттилои ҳамин манбаъ, тибқи Низомнома оид ба пешбурди сиёсат дар соҳаи об, муташаккилона гузаронидани мавсими обрасонии ҳосили соли 2010, беҳтар намудани ҳолати мелиоративии заминҳо, аз худ намудани заминҳои нави обёришаванда аз тамоми имкониятҳои мавҷуда истифода карда мешавад,- иброз доштанд дар Вазорати мелиортсия ва захираҳои оби ҷумҳурӣ ба мухбири АМИТ «Ховар».