«АМОНАТБОНК» ҚАБУЛИ ШАҲРВАНДОНРО ЭЪЛОН НАМУД

Душанбе,18 май. (АМИТ «Ховар», Миралӣ Амонов).-Сарфилиали бонки давлатии амонатгузории Ҷумҳурии Тоҷикистон «Амонатбонк» бо дар назардошти зиёд шудани ариза ва муроҷиати шаҳрвандон  дар шӯъбаҳо ва оҷонсиҳои шаҳру ноҳияҳо ҳар рӯзи шанбе қабули шаҳрвандонро эълон кард. Дар нахустин қабули шаҳрвандон, роҳбарияти бонк ба пурсишҳои аҳолӣ роҷеъ ба сари вақт додани нафақаҳои нафақахӯрон, гузаштан ба усули пардохти нафақа бо корти пластикӣ, масъалаи фоизу намудҳои пасандозҳо, гирифтани қарзҳои гуногуни бонкӣ ва дастрасии онҳо ба ҳамаи ниёзмандон посух доданд. Яке аз масъалаҳое, ки ба миён гузошта шуд, кушодани оҷонсиҳо дар деҳаҳои дурдаст буд ва дар муддати кӯтоҳ ҳал шудани ин масъаларо роҳбарияти сарфилиали «Амонатбонк» дар вилояти Суғд изҳор доштанд. Хамчунин, шаҳрвандон – хатмкардани муассисаҳои таълимии олӣ оид ба қабули шаффофу объективӣ ба кор арз доштанд.