БАРРАСИИ МАСЪАЛАҲОИ МУҲИМ

Ноҳияи  Бобоҷон  Ғафуров,  18  май (АМИТ «Ховар»,  Санавбар  Мақсудова). – Сардори раёсати   назорати   давлатии  молиявӣ  ва  мубориза ба  муқобили  ришвахӯрии  вилояти  Суғд  Ҷумъаназар  Раҳматов  дар  ноҳияи  Бобоҷон  Ғафуров   маъракаи  қабул  орост.  Рӯзи  шанбе  қариб  20  нафар  сокинони   ноҳия бо  масъалаҳои  гуногун  ба  сардори раёсат  муроҷиат  намуданд. Масъалаҳои  асосии  мулоқот   содир  намудани  ҷиноятҳои  дорои  хусусияти  коррупсионӣ,  проблемаҳои  замин  ва  ғайраро  дар  бар  мегирифт.  Мухбири  АМИТ «Ховар»  хабар  медиҳад, ки роҳбарони ва  кормандони  масъули  раёсат  корафтодагонро  на танҳо  дар  рӯзҳои корӣ  балки   рӯзҳои  истироҳат  низ  қабул  мекунанд.