Э. РАҲМОН ДАР ИҶЛОСИЯИ 37 – УМИ СОЗМОНИ КОНФРОНСИ ИСЛОМӢ СУХАНРОНӢ МЕКУНАД

18 майи соли 2010 Президенти Ҷумҳурии Тоҷикистон Эмомалӣ Раҳмон дар иҷлосияи 37 – уми Шўрои вазирони корҳои хориҷии давлатҳои аъзои Созмони Конфронси Исломӣ иштирок ва суханронӣ мекунад. Иҷлосияи 37 – уми Шўрои вазирони корҳои хориҷии давлатҳои аъзои Созмони Конфронси Исломӣ кори худро субҳи имрўз дар Кохи Сомони бўстонсарои Ҳукумати Ҷумҳурии Тоҷикистон оѓоз намуд. Барои иштирок дар ин иҷлосия ҳайатҳои расмӣ аз ҳамаи 57 давлати аъзои Созмони Конфронси Исломӣ ва шумораи зиёди намояндагон аз кишварҳои нозир, созмонҳои сершумори минтақавию ҷаҳонӣ ва меҳмонони сатҳу зинаҳои гуногун аз зиёда аз 100 кишвари ҷаҳон ба шаҳри Душанбе ташриф овардаанд. Худи ҳамин рўз Сарвари давлат Эмомалӣ Раҳмон дар маросими тантанавии «Пойтахти фарҳанги исломӣ» эълон намудани шаҳри Душанбе иштирок намуда, як қатор вазирони корҳои хориҷӣ ва намояндагони воломақоми кишварҳою созмонҳои минтақавию ҷаҳониро ба ҳузур мепазирад. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.