КОРВОНИ ТУХМИҲО БА МИНТАҚАИ КӮЛОБ

Душанбе, 26 май. (АМИТ «Ховар», Дилшодаи Ҷонмард).-Вазири кишоварзии Ҷумҳурии Тоҷикистон Қосим Қосимов  дар    ҷаласаи сайёри назди вазир , ки санаи 15 майи соли ҷорӣ дар шаҳри Кӯлоб баргузор гардида буд,  бинобар зарари расида аз офатҳои табии  6-7 майи  соли  равон   ҷиҳати кӯмак ба хоҷагиҳои зарардидаи мавзеи мазкур  масъулини соҳаро вазифадор намуд, ки ҳарчи зудтар заминҳои аз сел осебдидаро барқарор намуда, ҳосили гандумро, ки дар шакли думбул қарор дорад, дарав намоянд. Барои дар масоҳати 410 гектар  заминҳои барқароргардида  кишти  пиёзи бех, помидор, бодиринг, ҷуворимакка, каду, тарбӯз  ва харбӯза   гузаронида, аз тарафи вазорат тухмиҳои хушсифат ба маблағи зиёда аз 30 ҳазор сомонӣ  таъмин карда шаванд. Бо ҳамин мақсад имрӯз корвони аввалини кӯмакҳо аз Корхонаи воҳиди давлатии «Навъҳои тухми сабзавот»-и вазорат дар ҳаҷми 11 тонна тухмиҳо, аз ҷумла тухми ҷуворимакка, каду, тарбӯз, помидор, бодиринг, харбӯза  ва пиёз ба минтақаи Кӯлоб  фиристода шуд. Инчунин, рӯзҳои 22-23 маи соли ҷорӣ ба ноҳияҳои Мӯминобод 52 тонна, Балҷувон 51 тонна  ва Ховалинг 51 тонна тухми каротошкаи навъи «Невский R-1», ки аз Федератсияи Росия ба ҷумҳурии мо  ворид гардидааст,  фиристода шуд.