ЛОИҲАИ НАВИ ГРАНТИИ «USAID»

Душанбе, 27 май. (АМИТ «Ховар», Лаззат Диловарзод).- Дар Вазорати кишоварзӣ ба мухбири АМИТ «Ховар» иттилоъ доданд, ки дар Ҷумҳурии Тоҷикистон Барномаи Рушди Самараноки Кишоварзӣ (USAID) –и Созмони Милали Муттаҳид барои 5 сол қабул мегардад. Ин барномаи 5 сола дар қисмати ғарбии вилоятҳои Хатлону Суғд ва ноҳияҳои атрофии Душанбе баҳри баланд бардоштани ҳосилнокии маводи анъанавии кишоварзӣ; тарбузу харбуза, зардолую лимӯ, помидор, пиёз ва гӯшт,  инчунин баҳри пурқувват намудани фоиданокии сектори хусусии агробизнес дар Тоҷикистон амалӣ мегардад. Барои дастрас шудан ба грант кишоварзон, ассотсиатсияҳои фермерӣ, корхонаҳои коркарди маҳсулоти кишоварзӣ ва ширкатҳои ҳамлу нақли маводи истеҳсолкардаи кишоварзӣ ҳуқуқи бештар доранд.