МАШВАРАТИ НАВБАТИИ СҲШ ДАР ДУШАНБЕ

Душанбе,  12 май. (АМИТ «Ховар», Людмила  Дубинина). —  Рӯзҳои  13  ва  14  майи  соли равон  дар  шаҳри  Душанбе  машварати   навбатии панҷуми  намояндагон  ва  коршиносони  мамлакатҳои  аъзои Созмони  ҳамкории  Шанхай  баргузор  мегардад. Дар он   масъалаҳои тайёрӣ  ба  мулоқоти  сарони  давлатҳои  аъзои  созмон  баррасӣ  карда  мешаванд, ки  моҳи  июн  дар  Тошканд  гузаронида  хоҳад  шуд. Мизбони  асосии   иштирокчиёни  машварат  Маркази  тадқиқоти  стратегии  назди  Президенти  Ҷумҳурии  Тоҷикистон  аст.  Дар он  бештар  аз  50   намояндаи  шаш  давлати  аъзои  созмон  — Қазоқистон, Қирғизистон, Чин, Русия,  Тоҷикистон, Ӯзбекистон, ҳайатҳои   давлатҳои   мушоҳид  ва  шарик   Муғулистон, Эрон, Ҳиндустон,  Покистон, Белорусия,  Шри – Ланка  ва  Афғонистон  ширкат  меварзанд. Иштирокчиёни  машварат  инчунин  масъалаҳои рушди  минбаъдаи  хамкории  аъзои  созмонро  дар  соҳаҳои  иқтисоду  сиёсат,  таъмини  амният   ва  қабули  мамлакатҳои  навро  ба  узвияти  созмон   муҳокима  хоҳанд  кард.