НАМОЯНДАГОНИ ИМА БА ДУШАНБЕ ОМАДАНД

Душанбе,  18 май. (АМИТ «Ховар», Наталя  Михайлова). —   Намояндаи  махсуси  ИМА  дар  Созмони  конфронси  исломӣ Рашод  Ҳусейн  ва  намояндаи  раёсати   масъалаҳои  озодии  имони  ин  мамлакат  Насрин Бодот дирӯз ба  Душанбе омаданд.  Онҳо  дар  иҷлосияи  37 – уми  Шӯрои  вазирони   мамлакатҳои  аъзои  Созмони  конфронси  исломӣ  ширкат  меварзанд. Хабар  дода  мешавад, ки  Рашод  Ҳусейн  зимни  сафар  бо   намояндагони  Ҳукумат,  роҳбарони   ташкилотҳои  динӣ ва ҳизбҳои  сиёсӣ  мулоқот  хоҳад  кард. Насрин  Бодот  низ  зимни  сӯҳбат  бо   мансабдорони  ҳукумат,   роҳбарони  созмонҳои  динӣ  ва  ҷамъиятҳои  миллӣ  масъалаҳои озодии дин ва  имонро  баррасӣ  менамояд.