ЯРМАРКАИ ҶОЙҲОИ КОРИ ХОЛӢ ДАР ФАРХОР

Фархор, 26 май. (АМИТ «Ховар», Сулаймон  Холов). — Дар ноҳияи Фархор аз ҷониби шӯъбаи агентии давлатии ҳифзи иҷтимои шуғли аҳолӣ ва муҳоҷират дар ҳамкорӣ бо бахши ҷавонон, варзиш ва сайёҳии ноҳия ярмаркаи ҷойхои кори холӣ ва вазифаҳои озод гузаронида шуд. Дар ярмарка 15 корхонаю ташкилоти ноҳия барои корҷӯён беш аз 50 ҷои кори холӣ пешниҳод намуданд. Дар ярмаркаи мазкур бештар ҷавонон иштирок намуданд, вале аз сабаби паст будани музди меҳнати корҳои пешниҳод шуда ба онҳо таваҷҷӯҳ зоҳир накарданд. Аз корҳои дар ярмарка пешниҳод шуда аз рӯи ихтисос 15 нафар шаҳрвандон бо ҷои кор таъмин гардиданд. Бахши ҷавонон, варзиш ва сайёҳии нохияи Фархор бошад дар ин ярмарка бештар сохтмончиёнро ба қайд гирифтанд. Бино бар иттилои кормандони шӯъбаи агентии давлатии ҳифзи иҷтимои шуғли аҳолӣ ва муҳоҷирати ноҳияи Фархор аз оғози соли 2010 ба воситаи гузаронидани ярмаркаҳои ҷойҳои кори холӣ ва вазифаҳои озод 62 нафар шаҳрвандон бо ҷои кори доимӣ ва 83 нафари дигар ба курсҳои касбомӯзӣ ҷалб карда шудаанд.