ҲАМКОРИҲОИ ВАЗОРАТИ МЕҲНАТ ВА ҲИФЗИ ИҶТИМОИИ АҲОЛӢ

Душанбе, 8июл. (АМИТ «Ховар». Лаззат Диловарзод).- Дар доираи тақвият бахшидан ба сифат ва миқдори хизматрасонҳо,  Вазорати меҳнат ва ҳифзи иҷтимоии аҳолӣ ҳамкориро  бо созмонҳои байналмилалӣ, аз ҷумла бо Хазинаи кӯдакони Созмони Милали Муттаҳид (ЮНИСЕФ), Комиссияи Аврупо, Барномаи тараққиёти СММ, Агентии байналмилалии Рушди ҳамкории Туркия (ТИКА) ва боз даҳҳо созмонҳои дигар   рӯз аз рӯз беҳтар месозад,- иброз дошт сардори шӯъбаи хизматрасонии иҷтимоӣ ва масъалаҳои ҳифзи иҷтимоии оила ва кӯдаки Вазорати меҳнат ва ҳифзи иҷтимоии аҳолӣ Соима Муҳаббатова ба мухбири АМИТ «Ховар». Дар доираи ин ҳамкориҳо,  яке  аз биноҳои Муассисаи давлатии «Маркази миллии тавонбахшӣ барои кӯдакон ва наврасони «Чорбоғ» ҳамчун маркази илмӣ- методӣ барои кормандони иҷтимоӣ таъсис дода шуд ва имрӯз мавриди баҳрабардории кормандони соҳа қарор дорад.