ҶАРИМАБАНДӢ ҲАЛЛИ МАСЪАЛА НЕСТ

            Душанбе, 17 сентябр. (АМИТ «Ховар», Лаззат Диловарзод).-  Дар тӯли 19 соли истиқлолияти давлатӣ беш аз 58 қонуну санадҳои ҳуқуқӣ доир ба консепсияи байналмилалӣ доир ба ҳифзи муҳити зист қабул шудааст,- иттилоъ дод сардори Бозрасии ҳифзи муҳити зисти минтақаи Кӯлоб Ҳасан Амиров телефонӣ ба мухбири АМИТ «Ховар».             Танҳо дар 8 моҳи соли ҷорӣ дар бештар аз 580 ҳолат ҳодисаҳои қонунвайронкунӣ ошкор гардида, ба маблағи бештар аз 40 ҳазор сомонӣ ҷарима баста шуда, кори 2 иншоот муваққатан боз дошта шуда, 5 мавод ба маблағи умумии 50981сомонӣ ба суди иктисодӣ пешниҳод гардидааст.             Бозрасии ҳифзи муҳити зисти минтақаи Кӯлоб дар соли 2009 4804 санҷиш гузаронида беш аз 1000 ҳодисаҳои қонунвайронкунии экологиро ошкор кард ва аз ин ҳисоб ба маблағи 53 ҳазору 336 сомонӣ шаҳрвандон ҷарима карда шуданд. Санҷишҳои  дар 8 моҳи соли 2010 гузаронидашуда низ нишон доданд, ки қонуншиканиҳои экологӣ вуҷуд доранд ва ҷаримабандӣ ҳалли масъала нест.             Аз ин рӯ мо зарур мешуморем, ки на ҷаримабандӣ, балки  тарбияи маърифати экологии шаҳрвандон дар амалӣ сохтани Барномаи давлатии  тарбияи экологии аҳолии ҶТ дар ҷои аввал бояд бошад,- иброз намуд Ҳ. Амиров.