САМАРИ «ПУШТАИ ЗАРДОЛУҲО»

Душанбе, 7 октябр. (АМИТ «Ховар», Дилшодаи Ҷонмард).-Чанде пеш маҷмӯаҳои нави адиби шинохта, узви Иттифоқи Нависандагони Тоҷикистон ва Иттифоқи Журналистони Тоҷикистон, барандаи ҷоизаи ба номи А. Лоҳутӣ Садриддин Ҳасанзода бо номи «Дони сӯзон» ва «Пуштаи зардолуҳо» ба чоп расид. Бояд гуфт, ки  Садриддин Ҳасанзода муаллифи беш аз даҳ маҷмӯа  мебошад. Асарҳои адиб ба мавзӯъҳои ҳифзи муҳити зист, сулҳу суботи кишвар, ободии диёр, таърихи ниёгон, васфи ишқу муҳаббати самимӣ, тараннуми заҳмати мардони меҳнат бахшида шуда, дар тарбияи меҳанпарастӣ ва хештаншиносии насли ҷавони кишвар аҳамияти калон доранд.