ҶАМЪОВАРИИ КАРТОШКА ДАВОМ ДОРАД

Душанбе, 12 ноябр. (АМИТ «Ховар», Лаззат Диловарзод).- Тибқи маълумоти фаврии Раёсати растанипарварии Ҷумҳурии Тоҷикистон, картошкапарварони ҷумҳурӣ аз майдони 12 ҳазору 356 га то 8 – уми ноябри соли ҷорӣ ҳосили майдони 10 ҳазор 165 га картошказор  пурра ҷамъоварӣ гардидааст, ки нисбат ба соли 2009 914 гектар зиёд аст.    Вобаста ба дурнамо,   соли ҷорӣ  ҷамъоварии 253 ҳазору 309 тонна картошка дар назар аст.    Бино ба маълумоти ҳамин манбаъ, айни замон 214 ҳазору  552 тонна ва ё 85 фоизи нақшаи кандани картошка иҷро гардидааст.    Ҳосилнокии картошка дар соли ҷорӣ аз ҳар га ба 211,1 сентнерӣ расонида шуд, аммо ин нишондиҳанда дар вилояти Хатлон 169,4 фоизро ташкил медиҳад, ки миёни картошкапарварони ҷумҳурӣ пасттарин нишондиҳанда мебошад.