ҶОПОН ЛОИҲАҲОИ БУЗУРГҲАЧМРО МЕОМӮЗАД

Душанбе, 12 ноябр. (АМИТ «Ховар», Лаззат Диловарзод).- Аз Вазорати рушди иқтисод ва савдои ҷумҳурӣ ба мухбири АМИТ «Ховар» иттилоъ доданд, ки дар давоми солҳои 1993 -2010 аз ҷониби Ҳукумати Ҷопон ба Ҷумҳурии Тоҷикистон дар ҳаҷми 140 млн. доллари амрикоӣ грант ва 41 млн. доллар кӯмаки техникӣ ҷудо шудааст. Дар баробари ин ҳамасола ба ҷумҳурии Тоҷикистон  ба ҳисоби миёна ба андозаи 14 млн. доллар грант ва дар ҳаҷми 4 – 5 млн. доллар кӯмаки техникӣ  расонида мешавад.    Агар то соли 2009 ҳамкории Ҷопон бо Тоҷикистон дар соҳаи маорифу тандурустӣ ба роҳ монда шуда бошад, баъди он давлати Ҷопон ба сохтмону таҷдиди роҳҳо ва рушди кишоварзӣ рӯй овардааст.    Акнун давлати Ҷопон пешниҳодоти Ҳукумати Тоҷикистонро барои иштирок дар амалӣ шудани лоиҳаҳои бузургҳаҷм мавриди омӯзиш қарор додааст.