БАРАФРОХТАНИ ПАРЧАМИ ТОҶИКИСТОН ДАР ХИТОЙ

Душанбе, 12 ноябр. (АМИТ «Ховар», Дилшодаи Ҷонмард).- 11 ноябри соли равон соати 17.00 ба вақти Пекин дар шаҳраки Олимпии бозиҳои Осиё Гуанчоу-2010 зери оҳанги суруди миллӣ Парчами Ҷумҳурии Тоҷикистон бардошта шуд. Дар чорабинии мазкур аз ҷониби Ҷумҳурии Тоҷикистон Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, ҳамзамон ноиби аввали Президенти Кумитаи миллии Тоҷикистон Маликшо Неъматов, ноиби Президенти Федератсияи футболи Тоҷикистон, ҳамзамон аъзои Кумитаи муносибатҳои байналмилалии Шӯрои олимпии Осиё Рустами Эмомалӣ ва дастаи олимпичиёни мамлакат иштирок намуданд.