КӮМАКИ БОНКҲО БА СОҲИБКОРОН

      Душанбе, 24 ноябр. (АМИТ «Ховар», Лаззат Диловарзод).- Бино ба гуфти раиси шаҳри Ваҳдат Анвари Вайсиддин, дар шаҳри Ваҳдат 4 бонк ва 12 ташкилоти ғайридавлатии қарздиҳандагони хурд фаъолият менамоянд, ки ба ташкилоту  корхонаҳо, муассисаю хоҷагиҳо, соҳибкорон ва аҳолӣ хизмат мерасонанд.             Дар моҳҳои январ – октябри соли ҷорӣ аз тарафи бонкҳо барои рушди соҳибкории хурду миёна ба маблағи 30 млн. 791 ҳазор сомонӣ  қарзҳои кӯтоҳмуддат, аз ҷумла ба соҳаи кишоварзӣ 6 млн. 880 ҳазор сомонӣ, тиҷорат -14 млн. 884, саноат – 2 млн. 276 ва сохтмон 345 ҳазор сомонӣ дода шудааст.             Бояд иброз дошт, ки дар рушди соҳаҳои кишоварзӣ, тиҷорату сохтмон нақши  маблағҳои тавассути  бонкҳо воридшудаи муҳоҷирони меҳнатӣ ба шаҳру ноҳияи Ваҳдат низ калон аст.             Дар  давоми даҳ моҳи соли ҷорӣ аз тарафи муҳоҷирон ба воситаи бонкҳои шаҳр  бо курси асъори миллӣ 342 млн.248 ҳазор  сомонӣ  маблағ ворид гардид, ки он ба ҳар   оилаи муқими  ноҳия 9479 сомонӣ рост меояд.