ЁДЕ АЗ ШОИРИ ВАССОФИ СУЛҲ

       Душанбе, 7 ноябр. ( АМИТ «Ховар», Сангзода  Муслиҳиддин).- Дирӯз   дар факултаи таърихи  Донишгоҳи  миллии  Тоҷикистон   бахшида ба  100 солагии  шоир  ва Қаҳрамони   Тоҷикистон  Мирзо  Турсунзода  маҳфили  илмӣ-фарҳангӣ   баргузор  гардид. Мудири  кафедраи       муносибатҳои   байналхалқии  факултаи  таърих   профессор  Ниёз  Мирзоев   зимни  суханронии худ  зикр намуд, ки  Мирзо  Турсунзода  яке  аз чеҳраҳои      машҳури адабиёти   даврони  шӯравӣ   аст, ки ӯро на танҳо   дар дохили кишвар,   балки    хориҷ аз он низ    ҳамчун   шоир  ва   сиёсатмадор   мешиносанд.   Баъдан     устодон ва   донишҷӯён  роҷеъ   ба ҳаёту   фаъолияти   Мирзо Турсунзода     суханронӣ намуда, аз ашъораш шеърҳо   қироат   намуданд.    Ҳадафи  аслии  баргузории чунин маҳфилҳои илмӣ       хубтар ошно   намудани  донишҷӯён   бо  фаъоилияту   эҷодиёти   чеҳраҳои  шинохтаи   мардуми  тоҷик мебошад.