КОҲИШИ САФИ НАШЪАМАНДОН

    Душанбе, 27 январ. (АМИТ «Ховар», Анварбек Сиддиқов).- «Тибқи маълумоти Вазорати тандурустии мамлакат соли 2010-ум дар муассисаҳои наркологӣ 7398 нафар беморони нашъаманд ба қайд гирифта шудаанд, ки 305 нафарашон занҳо мебошанд»,- гуфт директори Агентии назорати маводи нашъаовари назди Президенти Ҷумҳурии Тоҷикистон Рустам Назаров дар нишасти матбуотӣ.    Тедоди гирифторон ба нашъамандӣ дар соли 2010 назар ба соли 2009 7,8 фоиз коҳиш ёфтааст.    Бо мақсади таъмини риояи қоидаҳои муомилоти қонунии воситаҳои нашъаовар, моддаҳои психотропӣ ва перекурсорҳо дар муассисаҳои тиббӣ, дорухонаҳо ва корхонаҳои саноатии ҷумҳурӣ 226 санҷиш гузаронида шуд. Дар натиҷа барои бартараф намудани камбудиҳои ошкоршуда 13 таъинот бароварда шуд,- таъкид намуд Рустам Назаров.