ҚОНУНЕ, КИ МАСЪУЛИЯТРО МЕАФЗОЯД

Душанбе, 8 феврал. (АМИТ «Ховар», Дилшодаи Ҷонмард). — Дар Вазорати кишоварзии Ҷумҳурии Тоҷикистон ҷиҳати баррасии лоиҳаи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд»  бо иштироки васеи кормандон ҷамъомад доир гардид.  Вазири кишоварзии Ҷумҳурии Тоҷикистон Қосим Қосимов  оид ба  аҳамияти  ин ҳуҷҷати муҳим   сухан гуфт. Сардори раёсати илм ва дастовардҳои илмии вазорат Т.Носирова  оид ба ҷамъбасти муҳокимаи лоиҳаи қонун дар  дастгоҳи марказӣ ва зерсохторҳои вазорат   ҳарф зада гуфт, ки кормандони вазорат  лоиҳаи қонуни мазкурро ҳаматарафа омӯхта, баҳри амалӣ гардидани он фикру ақида ва пешниҳоди худро ба  раёсати илм ворид намуданд.  Пешниҳоди воридгардида     барои бозомўзӣ ба Ҳукумати Ҷумҳурии Тоҷикистон ирсол   мегардад. Кормандони вазорат  қонуни мазкурро саривақтӣ шуморида, баҳри боз ҳам баланд бардоштани масъулияти падару модар дар тарбияи фарзанд  пешниҳоди муфид намуданд.