Асадулло Ғуломов ҳаётро падруд гуфт

Душанбе, 3 август (АМИТ «Ховар», Лутфия Эшонқулова). – Муовини аввали Сарвазири Ҷумҳурии Тоҷикистон Асадулло Ғуломов 3 август дар 57- умин соли ҳаёташ вафот кард.Асадулло Ғуломов 28 феврали соли 1954 дар ноҳияи Данғараи вилояти Хатлон ба дунё омадааст. Марҳум соли 1976 ба фаъолияти меҳнатӣ шурӯъ карда буд. Солҳои 2000 – 2003 вазифаи раиси ноҳияи Фрунзе (ҳоло Сино) – и шаҳри Душанберо ба ӯҳда дошт.Солҳои 2003 – 2006 дар мансаби муовини Сарвазири ҷумҳурӣ кор карда, моҳи декабри соли 2006 ба вазифаи муовини аввали Сарвазири Тоҷикистон таъин шуда буд. Бо нишони «Шараф» — и дараҷаи якум мукофотонида шудааст, унвони Корманди шоистаи Тоҷикистонро дорад.